Bo nadal!

Hola compañeiros e compañeiras!

Esta última semana de cole foi moi emocionante porque sabíamos que o venres íamos recibir unha visita moi especial: os Reis Magos! Por iso, durante a semana estivemos a elaborar a carta cos agasallos que queríamos pedir e que lles entregamos aos Reis de Oriente. 

Pero ademais disto, o venres tamén puidemos gozar da actuación dun mago que fixo uns trucos de maxia espectaculares! A verdade é que quedamos encantados.

Aquí vos deixamos unhas imaxes deste día tan especial.

Desexámosvos moi boas festas a todos/as.

Moitos bicos.

Grupo IAR

Boas tardes a todos e todas!

Hoxe temos unha novidade que contarvos porque todos os nenos e nenas de infantil recibimos a visita do grupo IAR! Trátase dun grupo de bailes populares galegos con música da nosa terra.

Despois do recreo fomos emocionados ao salón de actos, onde nos esperaban estes grandes artistas. Con eles descubrimos a música tradicional galega e algúns dos instrumentos que se empregan habitualmente, como a gaita ou a pandereta. Pero tamén aprendemos que se poden crear sons con cousas inimaxinables para nós, como unha lata de pimentón!

Durante a actuación ata sacaron voluntarios ao escenario que bailaron e tocaron algún instrumento! Por último, antes de rematar o espectáculo, bailamos en grande grupo unha muiñeira preciosa. 

A verdade é que o pasamos xenial. Foi un grande día! Aquí vos deixamos algunhas imaxes.

Un saúdo!

As emocións

Ola a todos/as!!

Hoxe queremos amosarvos o que estamos abordando en Atención Educativa cos nenos e nenas de 4 anos. Decidimos traballar as emocións e descubrimos un conto marabilloso que nos axudou a comprender un pouco mellor os nosos sentimentos: tristeza, medo, alegría, rabia, amor... Sabedes como se titula este conto? O MONSTRO DE CORES!

E visto que nos gustou tanto, comezamos a facer entre todos e todas un mural co seu protagonista, como podedes ver nas imaxes. Nesta ocasión, pintámolo de verde, que representa a calma, e falamos sobre aquelas cousas que nos fan sentir tranquilos.

En adiante, seguiremos adornando o noso mural con máis emocións, letras e cores. Non vos preocupedes porque vos manteremos informados.

Saúdos e bicos!!

Os sentidos

Ola a todos e todas!

Esta semana os nenos e nenas de 4 anos estiveron a traballar cos nosos amigos o olfacto, o tacto, o gusto, a vista e o oído. 

Hoxe, a profe Paula, tiña unha sorpresa que darnos! Trouxo café, curri, crema de frambuesa e colonia para que puidésemos descubrir o seu olor. Tamén trouxo diferentes texturas: fieltro, goma eva e ata un ourizo co que tivemos que ter moito coidado! E para xogar co noso amigo o gusto puidemos probar un limón, que sabía moi ácido, e tamén un pouco de sal. Pasámolo en grande!

Aquí vos deixamos unhas imaxes da nosa divertida experiencia!

Moitos bicos!

Aprendendo as letras!

Ola a todos e todas!
Hoxe queremos amosarvos o que están a avanzar no coñecemento das letras os nenos e nenas de 5 anos. Despois de traballar un pouco, gozamos dun tempo de lecer no que os rapaces e rapazas pudieron manipular o que tanto lles gusta, a plastilina, e máis aínda se é unha plasti nova! 
A través do xogo démonos conta de todo o que xa sabíamos, pois éramos capaces de escribir o noso nome coa plastilina.
Aquí vos mostramos algúns exemplos.

Un saúdo!!

CONTACONTOS: FLORINDA

Despois dun tempo de descanso, retomamos a actividade deste blog que estará dedicado a toda a etapa de Educación Infantil. Deste xeito, poderemos compartir con vós a nosas experiencias en tres, catro e cinco anos.
Hoxe compartimos a visita tan especial que tivemos no cole, pois veu a contarnos uns contos marabillosos a bruxa Florinda. Todos os nenos de Educación Infantil estiveron moi atentos e participaron con grande ledicia nos contos que tan ben nos contou Florinda. Aquí vos deixamos unhas imaxes deste contacontos.

Agardamos que vos guste.

Un saúdo!